Lajm fantastik për ju që keni Pasaportë të Zvicrës
Pasaporta zvicerane arrin një moment historik!
Ky është një lajm i mirë edhe për Mërgimtarët tanë të cilët jetojnë në Zvicër, e shumë prej tyre tashmë kanë edhe Pasaportë Zvicerane.
Ajo mban vendin e 3-të, të barabartë me Danimarkën, Luksemburgun, Spanjën dhe Suedinë në renditjen e vitit 2026 të pasaportave më të fuqishme në botë, të publikuar nga Henley & Partners. Kjo shënon një ngritje me dy vende që nga korriku i kaluar 2025.
I publikuar dy herë në vit, indeksi mat forcën e pasaportës duke numëruar numrin e destinacioneve të arritshme pa vizë ose me vizë në mbërritje, duke përdorur të dhëna nga Shoqata Ndërkombëtare e Transportit Ajror (IATA). Sot, qytetarët zviceranë mund të udhëtojnë pa viza në 186 vende.
Singapori ende kryeson listën me qasje pa viza në 192 destinacione, ndërsa Koreja e Jugut dhe Japonia ndajnë vendin e dytë me 188 destinacione.