Reshjet e fundit të shiut kanë shkaktuar vështirësi të konsiderueshme në qarkullimin rrugor në qytetin e Ferizajt.
Si pasojë e grumbullimit të shpejtë të ujit, nënkalimi kryesor i qytetit është përfshirë nga vërshimet, duke e bërë këtë segment rrugor pothuajse të pakalueshëm për automjetet e vogla.
Pamjet e siguruara nga vendi i ngjarjes tregojnë nivelin e lartë të ujit në brendësi të nënkalimit, ku drejtuesit e automjeteve detyrohen të lëvizin me kujdes të shtuar për të shmangur bllokimin ose dëmtimin e veturave.