LVV po ‘trondit’ skenën politike – 69% e qytetarëve e shohin si befasinë e zgjedhjeve të 7 qershorit”
Një sondazh i publikuar nga emisioni Debat Plus ka nxitur reagime të shumta në opinionin publik, duke e vendosur Lëvizja Vetëvendosje (LVV) bindshëm në krye si “befasia” e mundshme e zgjedhjeve të 7 qershorit.
Sipas këtij votimi online, plot 69% e qytetarëve janë shprehur se LVV do të jetë surpriza kryesore e këtyre zgjedhjeve, duke lënë pas partitë tjera si Lidhja Demokratike e Kosovës (LDK), Partia Demokratike e Kosovës (PDK), Aleanca për Ardhmërinë e Kosovës (AAK) dhe Nisma Socialdemokrate (NISMA).
Në total, mbi 11 mijë votues kanë marrë pjesë në këtë sondazh, duke reflektuar një mbështetje të fortë dhe një trend në rritje për LVV-në në prag të zgjedhjeve.
