You dont have javascript enabled! Please enable it! Tragjedi në Kroaci: Humb jetën 33-vjeçari nga Maqedonia gjatë punës në hekurudhë

Tragjedi në Kroaci: Humb jetën 33-vjeçari nga Maqedonia gjatë punës në hekurudhë

Tragjedi në Kroaci: Humb jetën 33-vjeçari nga Maqedonia gjatë punës në hekurudhë

Një shtetas 33-vjeçar nga Maqedonia e Veriut ka humbur jetën në një aksident të rëndë në një linjë hekurudhore në afërsi të Zagrebit, në Kroaci.

Aksidenti tragjik ndodhi të dielën rreth orës 08:45, në mbikalimin hekurudhor Sava–Jakuševec, në vendbanimin Miçevec, pranë Velika Goricës.

Sipas policisë kroate, viktima ishte i punësuar në një kompani që kryente punime në infrastrukturën hekurudhore dhe kishte qëndrim të rregulluar në Kroaci.

Në momentin e aksidentit, në binarë po lëvizte një mjet motorik hekurudhor për mirëmbajtjen e infrastrukturës, i drejtuar nga një 59-vjeçar. Për arsye ende të panjohura, punëtori ka rënë në shina dhe ka marrë lëndime fatale.

Lexo edheTragjedi në Itali: 78-vjeçari me origjinë nga Maqedonia humb jetën në aksident

Në vendngjarje është kryer ekspertizë nga policia, prokuroria dhe inspektorati për sigurinë në punë, ndërsa është përfshirë edhe Agjencia për Hetimin e Aksidenteve në Transport.

Trupi i pajetë është dërguar në Institutin e Mjekësisë Ligjore në Zagreb. Institucionet kompetente po hetojnë rrethanat e aksidentit.