Ndahet nga jeta në Gjermani e reja nga Podujeva, Valbona Hoti
Me pikëllim të thellë, familja Hoti ka njoftuar për ndarjen nga jeta të Valbona Hotit, e cila ndërroi jetë në Gjermani pas një sëmundjeje të rëndë.
Në njoftimin e familjes thuhet:
“Të Allahut jemi dhe vetëm tek Ai do të kthehemi. Ju njoftojmë se sot halla jonë Valbona Hoti ia dorëzoi shpirtin Krijuesit, pas një sëmundjeje të rëndë. Hallë e dashur, Allahu të pastë mëshiruar e sprovat t’i kompensoftë me shpërblime të panumërta në Xhennetin Firdeus.”
Familjarët bëjnë të ditur se për kohën e varrimit do të njoftojnë më vonë, për shkak të procedurave spitalore në Gjermani dhe organizimit të transportit të trupit të pajetë.