You dont have javascript enabled! Please enable it! Mbi 4.6 milionë automjete Volkswagen, Audi, Škoda dhe Seat duhet të servisohen

Mbi 4.6 milionë automjete Volkswagen, Audi, Škoda dhe Seat duhet të servisohen

Më shumë se 4.6 milionë automjete të markave Volkswagen, Audi, Škoda dhe Seat janë përfshirë në një fushatë globale të tërheqjes për kontroll dhe riparim, për shkak të një problemi teknik në sistemin e drejtimit.

Një vidë që mund të pësojë korrozion rrezikon të dobësohet dhe të thyhet, duke shkaktuar probleme serioze me drejtimin e automjetit dhe duke rritur rrezikun e aksidenteve.

Tërheqja përfshin gjithsej 4,640,855 automjete në mbarë botën, prej të cilave rreth 2.16 milionë janë Volkswagen, 1.72 milionë Škoda, afro 697 mijë Audi dhe rreth 66 mijë Seat.
Te Volkswagen, modelet e prekura përfshijnë Golf, Golf Variant, Tiguan, Touran dhe Caddy, të prodhuara nga shtatori 2013 deri në korrik 2024. Për Audi Q3, periudha e prodhimit shtrihet nga tetori 2017 deri në maj 2024.

Ndërkohë, te Škoda përfshihen modelet Kodiaq, Karoq, Octavia dhe Superb, të prodhuara nga nëntori 2015 deri në gusht 2026, ndërsa te Seat bëhet fjalë për modelet Ateca dhe Tarraco, të prodhuara nga prilli 2016 deri në shtator 2024.
Vetëm në Gjermani, sipas raportimit, janë të regjistruara 1,468,311 automjete të përfshira në këtë fushatë. Prodhuesit kanë paraparë zëvendësimin falas të vidës problematike, edhe në rastet kur nuk vërehen shenja të dukshme dëmtimi.
Megjithatë, për shkak se versioni i përmirësuar dhe më rezistent ndaj
korrozionit nuk është ende i disponueshëm në të gjitha serviset, disa
automjete mund të kenë nevojë për një vizitë të dytë. Pronarëve u
rekomandohet të kontaktojnë serviset e autorizuara dhe të
kontrollojnë automjetin përmes numrit identifikues VIN.
Sipas njoftimeve gjermane të tërheqjes, kodet përkatëse janë 48VS
për Volkswagen, 48LG për Audi, 48LS për Škoda dhe 48T7 për Seat.
Nëse vërehen probleme të pazakonta gjatë drejtimit, shoferët
këshillohen të ndalojnë përdorimin e automjetit dhe të kërkojnë
kontroll profesional. Periudha e prodhimit nuk nënkupton
domosdoshmërisht se çdo automjet i atij modeli është i prekur.
/Urgjent.com/