Moderatorja dhe influencerja e njohur Kiara Tito ka dhënë një përgjigje të mençur dhe të qetë ndaj pyetjeve të ndjekësve, lidhur me komentet negative që qarkullojnë për bashkëshortin e saj, Luiz Ejllin.
Gjatë një sesioni pyetjesh në Instagram, një ndjekës e pyeti:
“Si ndjehesh kur bashkëshortit çfarë nuk i thonë, fjalët më negative, e si ndjehet ai?”
Kiara u përgjigj me maturi, duke përcjellë një mesazh të fortë kundër urrejtjes në rrjet:
“Kur dikush flet keq për ty, zakonisht tregon më shumë për gjendjen e tij se për ty. S’më prek, disa thjesht kanë nevojë për ndihmë, jo përgjigje.”
Moderatorja shtoi se edhe Luizi nuk ndikohet nga komentet apo shpifjet që qarkullojnë:
“Luizin e keni parë besoj që nuk merret me llafe dhe as nuk i bëjnë përshtypje shpifjet e disa njerëzve që nuk kanë një jetë.”
Ky reagim ka marrë shumë pëlqime dhe komente pozitive, me fansat që e kanë përgëzuar për qëndrimin e saj të qetë dhe të pjekur.
Aktualisht, Kiara Tito po shkëlqen në rolin e moderatores së “Portokalli” në Top Channel, ku duket më e sigurt dhe më e pjekur se kurrë.