You dont have javascript enabled! Please enable it! “Feedy’s” Restoranti që ju ofron kuzhinën shqiptare në Kanton ZURICH në Zvicër

“Feedy’s” Restoranti që ju ofron kuzhinën shqiptare në Kanton ZURICH në Zvicër

I hapur çdo ditë për drekë dhe darkë gjatë gjithë vitit, “Feedy’s” në Regensdorf sjell në një pjatë të vetme shijen e vërtetë të kuzhinës shqiptare dhe asaj zvicerane, të përgatitura me mjeshtëri nga ekipi i kuzhinierëve.

Një staf i përkushtuar dhe profesional, si në kuzhinë, ashtu edhe në shërbim, premton një përvojë të paharrueshme gastronomike. Këtë e konfirmon për albinfo.ch pronari i ri, Fidan Cikaj, i cili vjen nga Hasi i Kosovës. Emrin “Feedy’s” restoranti e mori nga pseudonimi i vetë Fidanit – një ëndërr që Pronari e shndërroi në realitet kur ishte vetëm 26 vjeç. Pasioni për gatim e ka shoqëruar që fëmijë.

Një traditë që zgjat shumë vjet

Familja Cikaj nga Hasi ka mbi dy dekada që merret me gastronominë në Zvicër. Në Olten, babai i Fidanit, Gëzim Cikaj, drejtonte për 17 vjet një furrë buke që furnizonte me bukë tradicionale kosovare më shumë se 200 dyqane në gjysmën e Zvicrës. Paralelisht, familja kishte edhe një qebaptore të vogël në të njëjtin qytet. Pas 17 vitesh sukses, vendosën të zhvendosen në Regensdorf afër Cyrihut dhe të hapin restorantin e tyre të madh – “Feedy’s”.

“Feedy’s” është një biznes 100% familjar, ku punon e gjithë familja Cikaj, por kur ka nevojë punësojnë deri në 10 persona të tjerë.

Çdo ditë të javës restorantin e vizitojnë qindra shqiptarë dhe zviceranë, ndërsa gjatë fundjavave numri kalon 1.000 persona. Sipas Fidanit, salla ka kapacitet për të shërbyer njëkohësisht 120 mysafirë.

Si u dashuruan zviceranët me pasulin dhe qebapat
Për t’u përshtatur me zonën industriale ku ndodhet restoranti, gjatë drekës ekipi ofron një menu të kombinuar shqiptaro-zvicerane. Rezultati? Zviceranët fillimisht vijnë me kolegët shqiptarë, shohin çfarë hanë ata, provojnë groshët, qebapat, byrekun… dhe herën tjetër kthehen vetë për një “Bohnensuppe” – siç e quajnë ata pasulin me fasule.

« Vijnë bashkë me shokët shqiptarë, shikojnë, provojnë, dhe pastaj e lënë menynë e zakonshme ditore për një pjatë pasul apo byrek të mirë », rrëfen me buzëqeshje Fidan Cikaj.
« Mikpritja shqiptare, pastërtia dhe cilësia e lartë e ushqimit janë arsyet pse numri i klientëve rritet çdo ditë », thotë ai i bindur. Përveç shërbimit të përditshëm, “Feedy’s” është i specializuar edhe për catering në dasma, ahengje familjare dhe evente të ndryshme.

Në “Feedy’s” shpesh ndalen edhe emrat e mëdhenj të estradës shqiptare kur janë në Zvicër.