Çfarë ndodhi me Elton Tozajn? Nëna e tij bën deklaratën e papritur, zbulohet e vërteta!
Pas disa ditësh shqetësimi dhe pikëpyetjesh për vendndodhjen e gazetarit Elton Tozaj, kanë dalë në dritë detaje të reja që mund të ndryshojnë rrjedhën e gjithë ngjarjes.
Ilir Vrenozi, i cili ishte ndër të parët që ngriti alarmin për mungesën e kontakteve me gazetarin, ka bërë një deklaratë të papritur gjatë emisionit “Me Zemër të Hapur” në News24.
Sipas tij, Elton Tozaj mund të jetë duke u përgatitur për t’u bërë banori më i ri i “Big Brother VIP Kosova 5”.
Lexo edhePlas sherri mes Cekes, Cllevios dhe Aleks Vishës! Cekja shpërthen në reagimin e tij! (VIDEO)→
“Elton Tozaj më duket se nesër është banori i ri i Big Brother Kosova. Është lajm që është pozitiv. Është me 90 për qind e vërtetë”, deklaroi Vrenozi.
Ai shpjegoi se informacionin e kishte marrë nga një mik, i cili e kishte kontaktuar në telefon për t’i treguar për pjesëmarrjen e mundshme të gazetarit në spektakël.
“Më mori në celular një mik dhe më tha këtë lajm, pra do jetë banor i BBVK. Uroj të jetë 100 për qind lajm i vërtetë”, shtoi ai.
Kjo deklaratë vjen pas disa ditësh pasigurie, gjatë të cilave Vrenozi kishte shprehur publikisht shqetësimin se nuk po arrinte të komunikonte me Tozajn.
Gazetari kishte paralajmëruar më herët një transmetim të drejtpërdrejtë, ku do të publikonte informacione dhe denoncime të reja, por transmetimi nuk u realizua.
“Elton Tozaj bëri shumë armiq me ato që tha. Frika është gjithmonë, sepse është shkëputur kontakti për 2-3 ditë e njerëz jemi, e mendja na shkon për keq”, u shpreh Vrenozi.
Ai tregoi se kishte tentuar disa herë ta telefononte gazetarin, por pa marrë përgjigje, çka e kishte shtyrë të ngrinte alarmin në rrjetet sociale.
Megjithatë, zhvillimi më i rëndësishëm erdhi gjatë emisionit, kur nëna e Elton Tozajt konfirmoi se kishte komunikuar me të dhe se ai ishte mirë.
“Po, sapo kam folur me Eltonin. Është mirë nga gjendja shëndetësore”, deklaroi ajo, duke qetësuar shqetësimet për gjendjen e të birit.
Pavarësisht këtij konfirmimi, ende nuk është bërë e ditur arsyeja pse gazetari kishte ndërprerë komunikimin me disa prej personave të afërt.
Ndërkohë, deklarata e Vrenozit për një hyrje të mundshme në “Big Brother VIP Kosova 5” ka shtuar kureshtjen e publikut.
Duhet theksuar se produksioni i BBVK nuk ka konfirmuar zyrtarisht pjesëmarrjen e Elton Tozajt, ndaj informacioni mbetet në nivel pretendimi.
Kujtojmë se gazetari ka qenë së fundmi në qendër të vëmendjes për deklaratat dhe akuzat ndaj disa personazheve të njohur të showbiz-it shqiptar, pretendime që mbeten të paverifikuara.
A ishte mungesa e Elton Tozajt nga rrjetet sociale e lidhur me një hyrje të mundshme në Big Brother VIP Kosova, apo bëhet fjalë për një arsye tjetër?
Përgjigjja mbetet për t’u zbuluar, ndërsa lajmi i konfirmuar deri tani është se gazetari ka komunikuar me nënën e tij dhe është mirë nga ana shëndetësore.