Unë, një shtetase amerikane me origjinë nga Kosova ime e shtrenjtë, tokë e larë me gjakun e bijve dhe bijave të saj, e që nga larg më dhemb çdo ditë, do të jem me ty, Albin Kurti, deri në frymën time të fundit. Malli për vendin nuk shuhet kurrë — përkundrazi, rritet çdo ditë më shumë, dhe sot ma dëshmove se dashuria për Kosovën duhet të jetë mbi gjithçka. Ti tregove se e do këtë vend më shumë se veten tënde.
Ndoshta kam pasur vërejtjet e mia, por sonte çdo dyshim u shua. Ti je për atë Kosovë që e dua unë dhe çdo mërgimtar që e mban atdheun në zemër, edhe nga mijëra kilometra larg.
Ndërsa kjo opozitë e ka humbur çdo dinjitet. Nuk e meriton të përfaqësojë popullin në Kuvendin e Kosovës. Me veprimet e tyre, e kanë treguar qartë fytyrën e vërtetë — pa përgjegjësi, pa vizion dhe pa dashuri për vendin. Një opozitë që punon kundër interesit të shtetit nuk meriton vend askund, e lëre më në institucionet më të larta.
Sot, nga Amerika e largët, me zemër plot mall e dhimbje për Kosovën, u bëj thirrje të sinqertë çdo mërgimtari dhe çdo qytetari mbi 18 vjeç: ta votojmë Albin Kurtin dhe ta mbrojmë të ardhmen e vendit tonë. Kosova ka nevojë për njerëz që e duan me shpirt, jo për ata që e përdorin për interesa të ngushta.
Me sinqeritet,
Arife Sheholli